Qatal Gah e Imam Hussain Lyrics - Syed Raza Abbas Zaidi | New Noha 2025
Qatal Gah e Imam Hussain Lyrics is a beautiful Noha recited by Syed Raza Abbas Zaidi is presented by the Syed Raza Abbas Zaidi label. This creative noha is composed by Syed Raza Abbas Zaidi, and the lyrics are beautifully penned by Janab Zeeshan Abidi.
Qatal Gah e Imam Hussain Details:
Noha: Qatal Gah e Imam Hussain
Recited by: Syed Raza Abbas Zaidi
Compose: Syed Raza Abbas Zaidi
Lyrics: Janab Zeeshan Abidi
Label: Syed Raza Abbas Zaidi
Qatal Gah e Imam Hussain Lyrics
Hussain walon suno, yeh hai Qatl Gaah-e-Hussain
Tadap raha tha yahin par Ali ke dil ka chain
Isi maqam pe Zahra yeh kar rahi thein bain
Na qatl kar meri godi mein mera Noor-e-Ain
Yahan talak suno kaise Hussain aaya tha
La’een kheench ke baalon se usko laya tha
Tamanchah maar ke seene pe jab sawar hua
Tadap ke reh gaye Shabbir, sirf itna kaha
Utar ja seene se zaalim, na zulm kar aisa
Hai mere seene pe bas haq meri Sakina ka
Yahan pe aayi to mar jaayegi woh ro ro kar
Sakina dekh na le tujh ko mere seene par
Kabhi badan pe woh khanjar se waar karta tha
Kabhi Hussain ke zakhmon pe khaak daalta tha
Phir apne paaon se zakhmon ko jab masalta tha
Ali ka beta wahan baar baar marta tha
Ghareeb-e-Zahra jab Abbas ko pukarta tha
La’een daadhi pakar kar tamanchay maarta tha
Isi maqam se sattar qadam thi door behan
Pukarti rahi: Na kaat Shimar, sookha dahan
Tu jaanta hai bohot door hai hamara watan
Main le ke aaoongi uske liye kahan se kafan
Wahan Hassan ko mile do kafan, main bhooli nahin
Yahan Hussain ki qismat mein ek kafan bhi nahin
Zabaan khushk hai, zakhmi hai uski peshani
Jawaan betay ke qaatil ne maari hai barchhi
Hazaron zakhm yeh kha kar gira hai thak ke abhi
Hawa hai garm, zameen tap rahi hai maqtil ki
Pila de paani, Muhammad ka yeh nawasa hai
Hai munh khula hua, na jaane kitna pyaasa hai
Ae rone walon, yeh dil thaam kar suno manzar
Chali chhuri to rakha haath maan ne ro ro kar
Gala samajh ke woh karta tha waar gin ke magar
Haan zakhm aate rahe Fatima ke haathon par
Hussain kehte the: Ammaan hata lo haath ammaan
Gale pe chalne do khanjar, bacha lo haath ammaan
Tadapte reh gaye maqtil mein dono maan beta
Gale pe Shah ke zaalim ne teera waar kiye
Bayaan-e-haal ho Zeeshan aur Raza kaise
Abhi talak to behan uth rahi thi gir gir ke
Sar-e-Hussain kata dekh na saki Zainab
Zameen pe aise giri jaise mar gayi Zainab
Written by: Janab Zeeshan Abidi
No comments:
Post a Comment